डुमरलाल मेहता सोमबार, माघ १४, २०८१
विराटनगर । बिराटनगरमा जारी बिराट एक्सपो २०२५ का अवसरमा हुलास मोटर्सले आफ्नो विद्युतीय काग्रो सार्वजनिकरूपमा हस्तान्तरण गरेको छ। अर्जुन मेहताले हुलास मोटर्सको काग्रो खरिद गर्नुभएको हो।
हुलास मोटर्सको तर्फबाट मुदित गोल्छा र उद्योग संगठनका पूर्व प्रतिनिधि श्याम पौडेलले संयुक्तरूपमा काग्रो हस्तान्तरण गर्नुभएको थियो। हुलास मोटर्सले यस एक्सपोमा काग्रो र सिटी रिक्साको ब्याट्री समेत उपलब्ध गराएको छ।
कम्पनीका सेल्स म्यानेजर बिरल आचार्यका अनुसार हुलास मोटर्सले वातावरणमैत्री र आधुनिक प्रविधिमा आधारित विद्युतीय सवारीसाधनको प्रवर्द्धनमा ध्यान दिएको छ। “काग्रो र सिटी रिक्साको ब्याट्रीले उपभोक्तालाई ऊर्जा-कुशल र किफायती विकल्प प्रदान गर्नेछ,” उहाँले बताउनुभयो।
बिराट एक्सपो २०२५ ले स्थानीय व्यवसाय र प्रविधिको प्रवर्द्धन गर्ने उद्देश्यले विभिन्न उत्पादन र सेवाहरू प्रदर्शन गर्दै आएको छ। हुलास मोटर्सको यो योगदानले विद्युतीय सवारीसाधनलाई प्रोत्साहन गर्ने अपेक्षा गरिएको छ।
