डुमरलाल मेहता शनिबार, भाद्र १५, २०८१
विराटनगर । देवानगञ्जमा ग्राम शुद्धीकरण महायज्ञ कार्यक्रम सम्पन्न भएको छ ।
विश्व हिन्दु परिसद देवानजगञ्जले आयोजनामा सम्पुर्ण देवानगञ्ज तथा देशबासीको कल्याण होस् उदेश्यले सुनसरीको देवानगञ्ज गाउँपालिका ३ स्थित श्री कृष्ण मा.वि. को खेल मैदानमा एक दिवसीय हवन पुजन तथा शुद्धीकरण महायज्ञ सम्पन्न भएको हो ।
अहिले देश तथा समाजमा विभिन्न किसिमको घटना दुर्घटनालाई मध्यनजर गरेर सुख शान्तिका लागि शुद्धीकरण महायज्ञ गरेको हो । अगाडि दिनमा अशान्ति दुर्घटना लगायत क्रियाकलाप नहोस् भन्ने उदेश्यले बरिस्ठ बिशिस्ट महात्माको उपस्थितिमा यज्ञ (होम) गरेको हो ।
विश्व हिन्दु परिषद देवानगञ्जका अध्यक्ष चमर किशोर मेहताको अध्यक्ष्तामा सम्पन्न भएको उक्त कार्यक्रममा सहभागी भएका सम्पुर्ण भक्तजन सनातनी योद्धाहरुलाइ विश्व हिन्दु परिषदका पदाधिकारीको हातबाट खादामाला लगाइ सम्मान गरि सम्पुर्णलाई प्रसाद स्वरुप भोजन (खाना) खुवाइ कार्यक्रम समापन गरेको थियोे ।
कार्यक्रममा हजारौं भक्तजनको सहभागी रहेको छ ।
