डुमरलाल मेहता आइतबार, भाद्र १०, २०८०
देवानगञ्ज । श्री जिरोगुवा उद्यमसिल कृषक समुहको तेस्रो साधारणसभा सम्पन्न भएको छ । शनिवार सुनसरीको देवानगञ्ज गाउपालिका वडा नम्बर ६ मा रहेको श्री जिरोगुवा उद्यमसिल कृषक समुहको तेस्रो साधारणसभा कोशी प्रदेश सभा सदस्य र उद्योग कृषि तथा सहकारी मन्त्री गयान्नद मण्डलको प्रमुख आतिथ्य र समुहका अध्यक्ष बिदयान्द मेहताको अध्यक्ष्तामा सो कार्यक्रम सम्पन्न भएको हो ।
कार्यक्रममा ५ जना किसानलाई सम्मान गरेको थियो । सम्मानित हुनेमा जागेश्वर यादव, विशुन्देव मेहता, पुरिया देवी मेहता, रुपनारायण श्रेष्ठ र राम किसुन मेहता रहेको छ ।
उद्योग कृषि तथा सहकारी मन्त्री गयान्नद मण्डलले भन्नुभयो म पनि किसान नै हुँ मेरो पेशा पनि कृषि हो किसानको समस्या बारे जानकारी छ । उहाँले भन्नू भयो दुर्भाग्य के छ भने एमालेले अहिलेको सरकारलाई हेर्नै सकिरहेको छैन । यदि यो सरकार रहिरहन्छ भने किसानको समस्या समाधान गर्छु ।
खादमलको अभाव छैन अहिले यदि कुनै ठाउँमा छ भने हामीलाई जानकारी गराउनुस हामी सँग खादमल पर्याप्त छ ।
यहाँका किसानलाई केके समस्या छ त्यसको प्रपोजल तयार पारेर मान्त्रालय आउनु किसानको समस्या समाधान गर्न तयारी रहेको बताउनुभयो ।
त्यस्तै कार्यक्रममा नेपाली काङ्ग्रेसको क्षेत्रीय सभापति श्यामलाल मेहता , सुरेन्द्र यादव, सुनसरी किसान संघ का अध्यक्ष रामबृक्ष मेहता, रामप्रसाद चौधरी लगायतले समुहको प्रगति तथा किसानको अहिलेको समस्या विषयमा बोल्नु भएको थियो । कार्यक्रममा समूहको सदस्य तथा सयौँ किसानहरूको उपस्थिति रहेको थियो ।
