सुनसरी । भोक्राहानरसिंह गाउँपालिकाले स्वास्थय स्वयंसेविकाहरुलाई साईकल वितरण गरेको छ। आइतबार १८ औँ राष्ट्रिय महिला सामुदायीक स्वास्थ्य स्वयंसेविका दिवसको अवसरमा भोक्राहा नरसिंह गाउँपालिकाको कार्यवाहक अध्यक्ष पुनम कुमारी मेहताले सहज सुविधाका लागि ६४ जना महिला स्वास्थ्य स्वयंसेविकाहरुलाई साइकल वितरण गरेको हो ।
विगत लामो समय देखी भोक्राहा नरसिंह गाउँपालिकाको ८ वटै वडामा समाजसेवीको भुमिका निर्वाह गर्दै आएको स्वास्थ्य स्वयंमसेवीकाहरुले सेवाग्राहीहरुलाई सहज सेवा प्रदान गर्नका लागि गाउँपालिकाले साइकल दिएको हो ।

भोक्राहा नरसिंह गाउँपालिका अन्तरगत ८ वटै वटामा समाजसेवीको भुमिका निर्वाह गर्दै आएका महिला स्वास्थ्य स्वयंसेविकाहरुलाई साइकल वितरण गरेपछि स्वास्थ्य स्वयंमसेविकाहरु खुशी भएको छ । एक स्वास्थ्य स्वयंमसेवीकाले कार्यक्रममा आफ्नौ मन्तव्य राख्ने क्रममा भने हामी नसोचेको काम पालिकाले गरेपनि म लागायत सबै स्वास्थ्य स्वयंमसेविका खुशी भएको बताए ।

अर्का स्वास्थ्य स्वयंमसेविका मुनेशवरी देवी मेहता साइकल पाएपछि उनी अब आवतजावतमा सहज हुने बताए । “हामी स्वयंसेविकाका समस्या र माग साना–साना छन्, दिनभरि सामाजिक काममा हिँड्नुपर्छ तर एउटा साइकलको समस्या थियो”, उनले भनिन्, “स्थानीय सरकारले समयमै नबुझेपनि ढिलो बुझेछ । तर ढिलै भएपनि साइकल उपहार दियो । अब काम गर्न सजिलो हुने भएको छ ।”
“हामीलाई स्वास्थ्यसँग सम्बन्धित वडाका हरेक काममा हिँड्नुपर्छ, पैदल हिँडेर सबै भ्याउनुपर्ने समस्या थियो”, उनले भनिन्, “गाउँपालिकाले साइकल दियो । अब सबै साथीलाई सजिलो हुन्छ । हामीले विगत चार वर्ष देखी गाउँपालिकालाई साइकल चाहियो भनेका थियौँ, व्यवस्था गरिदिनुभएछ ।”

कार्यक्रममा भोक्राहा नरसिंह गाउँपालिका प्रमुख प्रशासकीय अधिकृत रामचरित्र मेहताले भने स्वास्थ्य स्वयंमसेवीकाको काम धैरे छ तर उनीहरुलाई सुविधा केही छैन हामी उनीहरुलाई काम गरे वापतको अतिरिक्त यातायात खर्च व्यावस्थापन समेत गर्दै आएको बताए ।
त्यस्तै कार्यक्रमका अध्यक्ष एंव भोक्राहा नरसिंह गाउँपालिकाको कार्यवाहक अध्यक्ष पुनम कुमारी मेहताले स्वास्थ्य स्वायंसेविकाहरुलाई साइकल मात्रै होइन अव एक महिना पछि अन्तर जिल्ला भर्मण गराउने  बताए। उनले भन्यो आगामी दिनमा महिला स्वास्थ्य स्वयंसेविकाले उच्च मनोबलका साथ सेवा प्रदान गर्ने वतावरण तयार गर्ने बताए ।
कार्यवाहक अध्यक्ष मेहताले स्वयंसेविकालाई प्रोत्साहन गर्ने, उनीहरुका आवश्यकता पूरा गर्ने जिम्मा स्थानिय सरकारको भएकाले अगामी दिनमा यस्ता कार्यक्रम निरन्तर गरिने  बताए । कार्यवाहक अध्यक्ष मेहताले भने, “तपाईँहरुकै कारण महिलाको नेतृत्व र क्षमता विकास भएको छ ।