विराटनगर । कोशी आइल्याव समुहको अन्तरक्रिया कार्यक्रम सम्पन्न भएको छ । कोशी आइल्याब समुहको आयोजनामा विभिन्न विद्यालयका प्रधानाध्यापक तथा प्रशिक्षकहरुको उपस्थितीमा अन्तरक्रिया कार्यक्रम सम्पन्न गरेको छ ।

कोशी आइल्याव समुहले विगत ६ महिना देखि कक्षा सुधार अवधारणालाई प्राविधिक तथा व्यवसायीक शिक्षा सँग जोडेर काम गरि रहेको छ । यस समुहका सदस्य एवम सि.टि.इ.भि.टि. कोशी प्रदेशका आई.टि. अफिसर नारद राई बताउनुभयो । आई.टि. अफिसर नारद राईका अनुसार अबको आवश्यकता भनेको प्राविधिक तथा व्यवसायीक शिक्षामा व्यापक सुधार हो र कक्षाकोठा सुधार नै प्रथम आवश्यकता हो । यसै अन्तर्गत हामी द्रुत गतिमा काम गरि रहेका छौ ।

हिजो माघ ३ गते हामीले २३ वटा शिक्षालयका प्रशिक्षक तथा कार्यक्रम संयोजकहरु सँग विराटनगर स्थित तालिम केन्द्रको हलमा अन्तरत्रियाया कार्यक्रम गरेको थियो । सबैले सकारात्मक प्रतिक्रिया दिनुभएको छ ।

यसै गरि आज माघ ४ गते बुढिगंगा स्थित जनप्रिय मा. वि.मा नेपाल शिक्षक संघ, नेपाल शिक्षक संगठनका पदाधिकारीहरु विच अन्तरक्रिया कार्यक्रम गरि हाम्रो अवधारणा राख्यौ । उहाँहरुले हामीले राखेको अवधारणा समय सापेक्ष रहेको र यसले आशातित प्रगति र सुधार ल्याउने विस्वास व्यक्त गर्नुभयो । यस अवधारणाको पैरवी र आफ्नो शिक्षालयमा समेत लागू गर्ने प्रतिवद्द्ता व्यक्त गर्नु भएको छ ।

समय अनुसार कक्षाकोठा सुधार गरि कक्षाकोठाको फर्निचर फ्लेक्जिवल बनाइ समुहगत सिकाइ, परियोजनामुलक कार्य गर्न सकिने प्रविधिमैत्री कक्षाकोठा र प्रयोगात्मक कक्षामा विषय विग्य जस्तै प्लम्विङको कक्षामा प्रशिक्षक सहित प्लम्बर समेत भएर कक्षा सन्चालन गर्दा सिकाइमा निकै नै सुधार आउने विस्वास गर्न सकिन्छ बताउनुभयो ।