सुरेन्द्र मेहता ।

विराटनगर । सुनसरीको एक सामुदायिक विद्यालयमा शिक्षकको कुटाईबाट पाँच विधार्थी बेहोस बनेका छन् । सुनसरीको भोक्राहा नरसिंह गाउँपालिका १ को शारदा माविका छात्राहरुमाथि एक शिक्षकले कुटपिट गरेकाले विधार्थी बेहोस बनेका हुन ।

आईतबार २०८० जेठ २८ गते विहान करीब ८ बजेको समयमा कक्षा सञ्चालन भईरहेको बेला सप्तरीको राजविराज नगरपालिका घर बनाउने ४० वर्षिय शिक्षक अशोक मेहतालाई कक्षाकोठामा पंखा नभएको भन्दै विधार्थीले गुनासो गरेको आधारमा एक्कासी कुटपीट गरेको गुनासो बाहिर आएको छ । तराईमधेसमा लगातार केही दिनयताको अत्याधिक गर्मीले जनजीवन अस्तव्यस्त बनेको बेला शिक्षकले विधार्थीलाई कुट्दा बेहोस बनेका छन । एक हप्तापछि विद्यालय खुलेको र गर्मी विदापछि विद्यालय खुलेको पहिलो दिनमा नै कक्षा ७ मा अध्यनरत विद्यार्थिहरुलाई गर्मी भएपछि कोठा बाहिर बसेको समयमा शिक्षक अशोक मेहतालाई पंखा नभएको गुनासो गरेको आधारमा पाँच जना छात्राहरुलाई मुक्का र डस्टरले कुटपिट गर्दा केही बेर बेहोस बनेको पीडित विद्यार्थीहरुले बताएका छन ।

शिक्षक अशोक मेहताले कक्षा ७ की १३ वर्षिया सुस्मिता कुमारी ठाकुर , १२ वर्षिया पुजा मुखिया, १३ वर्षिया अन्जु उराँव, अस्मिता मेहता लगायत ५ जना छात्राहरुलाई कुटपिट गरेको स्विकार गरेका छन् । शिक्षकको कुटपिटबाट पीडित भएका विद्यार्थीहरुको विद्यालय नजिकै रहेकोे किल्निकमा उपचार गराएर लगेको विद्यार्थीका अभिभावकले बताएका छन् ।
कुटपिटबाट पीडित विद्यार्थी, अभिभावक र गाउँका अगुवा सहितले शिक्षक अशोक मेहतालाई कारबाहीको माग गरेका छन् ।

कुटपिट घटनाको विषयमा प्रधानाध्यापक रामु प्रसाद मेहतासंग समाचारदाता भोक्राहा नरसिंह २ निवासी ३० वर्षिय सुरेन्द्र मेहताले प्रतिकृया लिन खोज्दा तपाई भिडियो ग्राफी किन बन्नु भएको रु, तपाई पत्रकार हो भन्ने ठुलो कुरा हो ?, यो सामान्य विषय हो, जवाफ दिन जरुरी छैन् । भनेर गैरजिम्मेवार तरिकाले जवाफ दिएका हुन् । प्र.अ. मेहता जहिले नि गैरजिम्मेवार तरिकाले जवाफ दिने गरेको हुनाले शिक्षकहरुमा सद्भाव र एकता कायम नरहेको प्रति आक्रोश बन्दै गएको छ ।