विराटनगर । सुनसरीको गढी गाउँपालिका वडा नम्बर २ लाई बाल विवाह मुक्त वडा घोषणा गरिएको छ । शुक्रबार गढी गाउँपालिका वडा नम्बर २ को आयोजनामा साविक औराबनी गाविस हाल गढी २ लाई बाल विवाह मुक्त वडा घोषणा गरेको वडा अध्यक्ष प्रभाकर चौधरीले बताउनुभयो । प्लान इन्टरनेश्नल नेपाल र साझा सवालका लागि साझा मञ्च (कोकन) सुनसरीले विगत लामोसमयदेखि बालबालिकाका क्षेत्रमा विभिन्न कार्यक्रहरु संचालन गर्दै आइरहेको कोकनका कार्यक्रम संयोजक हेमन्तराज पौडेलले बताउनुभयो ।

पौडेलले भन्नुभयो ‘ हामीले करिब १० वर्षदेखि गढी गाउँपालिकाकामा बालबालिकालागि विविध कार्यक्रमहरु संचालन गर्दै आइरहेको थियो र यसै परियोजनाको समयअवधि पनि सकिन केहि महिनामात्र बाँकी रहेकाले आज गढीको २ नम्बर वडालाई बाल विवाह मुक्त वडा घोषणा कार्यक्रमले महत्वपुर्ण कार्य पुरा गरेकोमा खुसी लागेको बताउनुभयो ।’
कार्यक्रममा पूर्व महिला बालबालिका तथा ज्येष्ठ नागरिक मन्त्री तथा सुनसरी क्षेत्र नम्बर ३ की सांसद भगवति चौधरीले बोल्दै भनिन् ‘ कानुनी रुपमा बाल विवाह अपराध हो । हामीले बालिकाहरुलाई सानै उमेरमा विवाह गरेर आफनो जिम्मेवारी पुरा गर्नु भन्दा पहिला उनीहरुको विकासकालागि शिक्षामा जोड दिनुपर्ने बताइन् ।

चौधरीले थप जोडदिदै भनिन् ‘म सासद हुनुभन्दा पहिला पनि यस वडामा शिक्षामा सुधार र बालबालिकाको विकासलागि फरवार्ड संस्थाबाट विभिन्न कार्यहरु संचालन गरेको स्मरण गर्दै आज यस गढी २ लाई बाल विवाह मुक्त वडा घोषणा गर्न पाउँदा खुसी लागको बताइन् । यस्तै कोशी प्रदेशका सांसद रामदेव यादवले बोल्दै भने आज बाल विवाह मुक्त गढी २ लाई घोषण गरिएको छ । यो कार्यक्रम क्रमस गढीका अन्य वडामा पनि सबैले गनुपर्ने बताउनु भएका छन् ।

बाल विवाह मुक्त वडा घोषणा कार्यक्रममा गढिका समाजसेवीहरु, शिक्षकहरु,स्वयमसेविकाहरु र सामाजिक अभियन्ताहरुलाई प्रंशसा पत्र, मायाको चिनोसहित सम्मान गरिएको कोकनका कार्यक्रम अधिकृत दयालाल चौधरीले जानकारी दिनुभयो ।

उहाँले भन्नुभयो हामीले समाजमा बालबालिकाका क्षेत्रमा लामोसमयदेखि कार्य गर्दै आएका व्यक्तित्वहरुलाई यसै अवसरमा सम्मान कार्यक्रम गरिएको बताएका छन् । कार्यक्रमममा गढी २ का सामुदायिक तथा निजी विधालयका सबै बालबालिकाको सहभागिता रहेको थियो । कार्यक्रममा थारु,उराँव र नेपाली संस्कृति झल्कने नृत्यले कार्यक्रमलाई मनोरञ्जनात्मक बनाएको थियो ।

प्लान इन्टरनेशनल नेपाल,फरवार्ड दुहबी, साझा सवालका लागि साझा मञ्च, आसमान नेपाल, पिपुल इन निड,महिला फेडरेशन, ओरेक नेपाल, शान्ति र समृद्धिका लागि युवा सुनसरी, बाल अधिकार समिति गढी गापा, किसोरी संजाल, बाल संजाल, दुरदृष्टि विकास समाज केन्द्र, प्रहरी कार्यालय औरावनी, साझा नेपाल, सामुदायिक सचेतना नेपाल, ज्योति महिला फेडरेशन, सिएडिसी, आरएसडिसी र भ्वाइस अफ चिल्ड्रेन नेपालको सहकार्य रहेको थियो ।