विराटनगर : फागु पुर्णिमा नजिकिदै जाँदा अहिले पुर्वी तराईका गाउँहरूमा होलीका गितहरू गुञ्जिन थालेका छन् ।
गाँउ टोलमा हुने सामान्य किर्तन होस वा अन्य कुनै सांस्कृतिक कार्यक्रम अहिले होलीका गितले स्थान पाउन थालेका छन ।
गाउँ घरमा डेक साउण्ड बक्स सुन्नेहरूले पनि होलीको गितलाई पहिलो रोज्ने गरेका छन् । यसका अतिरिक्त पुर्वी तराईमा रहेका बिभिन्न एफएमहरूले पनि होलीका गित प्रसारणलाई प्राथमिकता दिएका छन् । सामाजिक सदभाव बढाउने तथा हर्ष र रंग अबिरको पर्वको रुपमा रहेको होलीलाई असत्यमाथी सत्यको जितको पर्वको रुपमा लिने गरिन्छ । यसवर्ष पहाडी क्षेत्रमा आउदो फागुन २२ र २३तराईका जिल्लामा होली मनाईदैछ ।
खासगरि बसन्त पञ्चमीका दिनदेखी फागु पुर्णिमा सम्म होलीका गित र त्यस संगै जोगिराले महत्व पाउने गरेका छन् । होलीका गितको बीचमा दुईजना बीच हुने ब्यङात्मक तथा सन्देशमुलक लयपुर्ण वार्तालाई जोगिरा भन्ने गरिन्छ । अहिले ग्रामिण क्षेत्रमा पाँच सात जना भेला हुने बितिकै होलीका गित सुरु हुने गरेको छ । ढोलक , मादल लगायतका बाद्यवादन सामग्री लिएर होलीका गित सुरु हुनासाथ एक दुई गर्दे धेरै श्रोता र गायक जम्मा हुने गरेका छन् । तर बिगतको जस्तो होली गित गाउनेहरूको संख्या अहिले निक्कै कम भएको छ । विराटनगर भगवान झाले विगतको पुस्ता जस्तो नया पुस्ताले होलीका गित गाउनमा बढी चासो नदिएकाले गाउनेहरूको संख्यामा कमी आएको सुनाए ।

यघपी गाउन नआए पनि आधुनिक साधन प्रयोग गरेर पनि युवा पुस्ता होलीका गित प्रति आर्कषित भएको मैथिली सेवा समितिका प्रवीणनारायण चौधरीले बताए । उनले भने–‘होलीका गितमा अझै पनि माधुर्यता र सन्देश लुकेको छ जसले आपसी सदभावलाई बढावा दिन्छ ।’ आम श्रोताले फागुन सुरु हुने बितिकै होलीका गितलाई बढी रुचाउने गरेका कारण अहिले एफएम रेडियोहरूमा पनि बढी प्राथमिकतामा होलीका गितहरू रहेको बताइएको छ । रोडियो संगै विभन्न कृतनहरुमा पनि ‘जोगिरा सर…र…र…, कौन तालपर ढोलक बाजे, कौन ताल मृदङ्ग….कौन तालपर गारिया नाचे, कौन तालपर हम’ थारु बाहुल क्षेत्रमा ‘ होली एली रे जोगिरा सर…र…र…गीत सुन्न सकिन्छ मृदङ्ग, ढोल, डम्फुको स्वर पनि सुनिन थालेको छ । विराटरनगर स्थित रहेको रेडिएको नागरिकका स्टेशन म्यासेन्जर अरबीन्द्र मेहताले श्रोताहरु कै पहिलो चाहना नै होलीका गित रहेकाले दिन भरी सञ्चालन हुने सवै कार्यक्रममा होलीको गित बजाउने गरेको बताए ।