डुमरलाल मेहता शुक्रबार, फाल्गुण ०५, २०७९
विराटनगर । सुनसरीको देवानगंजमा गाउँपालिका स्तरीय राष्ट्रपति रनिङ्ग शिल्ड खेलकुद प्रतियोगिता सुरु भएको छ । बिहिबार सुरु भएको खेलकुद प्रतियोगिता गाउँपालिका अध्यक्ष बेचन प्रासद मेहताले उद्घाटन गरेको हो ।
प्रतियोगिता देवानगंज गाउँपालिका वडा नम्बर १ को जनता माध्यमिक विद्यालयमाको खेल मैदानमा सुरु भएको हो । राष्ट्रपति रनिङ्ग शिल्ड खेलकुद प्रतियोगितामा गाउँपालिका भित्रका सम्पूर्ण विद्यालयहरूको सहभागी रहेको जनता माविको प्रधानाध्यापक राजकुमार मेहताले जानकारी दिनुभयो ।
कार्यक्रममा गाउँपालिका अध्यक्ष बेचन प्रसाद मेहता, उपाध्यक्ष कुमारी विभा यादव, विद्यालय व्यवस्थापन समितिका अध्यक्ष राजेश मेहता, पूर्व अध्यक्ष श्यामलाल मेहता, वडा नम्बर १ वडाध्यक्ष सूर्यनारायण पाल, वडा नम्बर २ का वडाध्यक्ष जगनरायण मेहता, विद्यार्थी, अभिभावक लगायतको उपस्थिति रहेको थियो ।
