रु ८७ लाखको मेडिकल उपकरण प्रदान

SITENAME

काठमाडौँ, २६ पुस ः जापान सरकारले नेपाल क्यान्सर हस्पिटल एण्ड रिसर्च सेन्टर हरिसिद्धि, ललितपुरलाई रु ८७ लाख नेपाली बराबरको क्यान्सर निदानसम्बन्धी अत्याधुनिक मेडिकल उपकरण आज प्रदान गरेको छ । 

अस्पतालमा आज आयोजित एक कार्यक्रममा नेपालका लागि जापानी राजदूतकी धर्मपत्नी एरिको साइगोले ती सामग्रीसहितको सम्झौतापत्र नेपाल क्यान्सर हस्पिटल एण्ड रिसर्च सेन्टर हरिसिद्धिका कार्यकारी अध्यक्ष तथा वरिष्ठ क्यान्सर विशेषज्ञ डा सुदीप श्रेष्ठलाई हस्तान्तरण गर्नुभयो । 

हस्तान्तरण गरिएका मेडिकल उपकरणमा अल्ट्रासाउण्डसहितको पोर्टेबल इको कार्डियोग्राम(इसिजि) मेशिन, सानो आन्द्राको क्यान्सर पत्ता लगाउने इआरसिपी मेशिन र फोक्सोको क्यान्सर पत्ता लगाउने ब्रोन्कोस्कोपी मेशिन रहेका छन् । 

सो अस्पतालले वर्षेनी पाँच हजारभन्दा बढी क्यान्सरका बिरामीको रोग निदान गरी उपचार गर्नुका साथै विभिन्न समयमा विभिन्न ठाउँमा गएर क्यान्सर पहिचान शिविरसमेतको आयोजना गर्दै आएको कुरालाई मध्यनजर गर्दै जापान सरकारले अस्पताललाई ती उपकरण प्रदान गरेको जापानी राजदूतावासद्वारा आज जारी विज्ञप्तिमा जनाइएको छ । 

जापान सरकारले गत महीना नै ती मेडिकल उपकरण प्रदान गरेको र ती उपकरण जडान गरी त्यसबाट सेवासमेत शुरु गरिसकेको उल्लेख गर्दै अस्पतालका कार्यकारी अध्यक्ष डा श्रेष्ठले औपचारिक हस्तान्तरण कार्यक्रममात्रै आज आयोजना गरिएको बताउनुभयो । 

जापान सरकारबाट प्राप्त मेडिकल उपकरणबाट क्यान्सरका बिरामीले सुलभ क्यान्सर पहिचान (निदान) सेवा पाउने पनि कार्यकारी अध्यक्ष डा श्रेष्ठले बताउनुभयो । 

 

 

 

 

 

रासस

प्रतिकृया दिनुहोस
SITENAME

भान्टाः ग्याष्ट्रिकदेखि मधुमेहसम्मको औषधी

डा. केदार कार्की भान्टा विश्वभरको भान्सामा प्रयोग हुने तरकारी हो । बहुगुणी भान्टा नेपालमा पनि सहजै उपलब्ध हुन्छ । यसलाई ऐगल्पान्ट, औवरजीन, मेलोनजेन,

SITENAME

‘समायोजन प्रक्रियामा देखिएका समस्या सम्बोधन गरिने’

काठमाडौँ, १३ पुस : उपप्रधानमन्त्री एवं स्वास्थ्य तथा जनसङ्ख्यामन्त्री उपेन्द्र यादवसमक्ष मन्त्रालयअन्तर्गतका ११ पेशागत सङ्घ÷सङ्गठनका नेतृत्वले

SITENAME

न्यूरो अस्पतालले गरे ९५ वर्षीय वृद्घको मस्तिष्कघातको सफल शल्यक्रिया

विराटनगर , १३ पुस : न्यूरो अस्पताल विराटनगरले ९५ वर्षीय वृद्घको मस्तिष्कघातको सफल शल्यक्रिया गरेको छ । भारत पूर्णियाका ९५ वर्षिय मस्कुरु रहमानको सफल