उपप्रधानमन्त्री यादवद्वारा अस्पताल भवनको शिलान्यास

SITENAME

राजविराज, २६ पुस : उपप्रधानमन्त्री एवं स्वास्थ्य तथा जनसङ्ख्यामन्त्री उपेन्द्र यादवले सप्तरीको राजविराजस्थित गजेन्द्रनारायण सिंह सगरमाथा अञ्चल अस्पतालको नयाँ अस्पताल भवनको शिलान्यास गर्नुभएको छ । 

सो अवसरमा उपप्रम यादवले अस्पताल व्यवस्थित भएपछि गुणस्तरीय स्वास्थ्य सेवाको पहुँच बढाउने मात्रै नभई स्थानीयस्तरमा आर्थिक गतिविधिसमेत बढ्ने विश्वास व्यक्त गर्नुभयो । अञ्चल अस्पतालभित्रै रु ३१ करोडको लागतमा नयाँ पक्की एनआइसियू भवन निर्माण हुन लागेको हो । साथै उहाँले प्रदेश नं २ विकास र स्वास्थ्यमा पछाडि परेको भन्दै सप्तरीबाटै विकासले गति लिने बताउनुभयो । 

अस्पालका मेडिकल सुपरिटेण्डेण्ट डा चुमनलाल दासका अनुसार गजेन्द्रनारायण सिंह सगरमाथा अञ्चल अस्पताल प्राङ्गणमै स्वास्थ्य मन्त्रालयको सहयोगमा ३०० श्ययाको भवन निर्माण हुन लागेको हो । कूल रु ३१ करोड ६ लाख २० हजार १४७ को लागतमा २०७८ साल असार १५ गतेभित्र निर्माण सम्पन्न हुनेछ । सुविधासम्पन्न भवनबाट रेडियोलोजी, प्याथोलोजी, मेडिसिन, सर्जरी, गाईनो, आइसियु तथा एनआइसियु, डायलाइसिस, इमजेन्सी लगायतका सेवा सञ्चालन हुने जनाएको छ । 

कार्यक्रममा शहरी विकासमन्त्री इश्तियाक राई, प्रदेश २ का भूमि व्यवस्था कृषि तथा सहकारीमन्त्री शैलेन्द्र साह, राष्ट्रिय सभाका सदस्य सुमनराज प्याकुरेल, राजविराज नगरपालिकाका प्रमुख शम्भुप्रसाद यादव, स्वास्थ्य सचिव डा पुष्पा चौधरी लगायतले आवश्यक पूर्वाधार निर्माण र सर्वसाधारणलाई भरपर्दो सेवा दिन आफूहरु प्रतिबद्ध रहेको बताउनुभयो । 

आजै उपप्रम यादवले राजविराजमा प्रस्तावित रामराजाप्रसाद सिंह मेडिकल कलेज निर्माणस्थलको निरीक्षण गर्दै रामराजाप्रसाद सिंह मेडिकल कलेजले स्थानीय क्षेत्रको मात्र नभई प्रदेशकै स्वास्थ्य क्षेत्रका लागि कोशेढुङ्गा साबित हुने उल्लेख गर्नुभयो । 

 

 

 

 

 

रासस

प्रतिकृया दिनुहोस
SITENAME

थारू सङ्ग्रहालय स्थापना गरिने : मुख्यमन्त्री राउत

लहान, १ माघ : प्रदेश नं २ का मुख्यमन्त्री लालबाबु राउतले थारू संस्कृतिको सम्मान र पहिचानका लागि थारू सङ्ग्रहालय स्थापना गरिने बताउनुभएको छ ।  माघी

SITENAME

पर्यटनमन्त्री भारतमा : हवाई मार्गबारे कुराकानी हुने

काठमाडौँ, १ माघ : संस्कृति, पर्यटन तथा नागरिक उड्डयन मन्त्री रवीन्द्र अधिकारी भारतको मुम्बईमा आयोजना हुने ‘ग्लोवल एभिएसन समिट–२०१९’ मा सहभागी हुन

SITENAME

योगले फाइदा पु¥याउने मुख्यमन्त्रीको भनाइ

हेटौँडा, १ माघ : प्रदेश नं ३ का मुख्यमन्त्री डोरमणि पौडेलले योग र ध्यानले मानव जीवनमा फाइदा पु¥याउने बताउनुभएको छ ।  राष्ट्रिय योग दिवस मुल समारोह