भयरहित वातावरणमा पत्रकारिताको अभ्यास गर्न पाउनुपर्छ: आयोग

SITENAME

काठमाडौँ, २० वैशाख : राष्ट्रिय मानवअधिकार आयोगले स्वतन्त्र र भयरहित वातावरणमा पत्रकारिताको अभ्यास गर्न पाउने व्यवस्था मिलाउन सरकारसँग आग्रह गरेको छ । 

आयोगका प्रवक्ता मोहना अन्सारीले विश्व प्रेस स्वतन्त्रता दिवसका अवसरमा आज विज्ञप्ति जारी गर्दै भयरहित र आम नागरिकको सुसूचीत हुन पाउने अधिकारको सम्मान गर्न सरकारसमक्ष आग्रह गर्नुभएको हो । 

पत्रकारमाथि धम्की र गिरफ्तारका घटना अझै नरोकिएको भन्दै अभिव्यक्ति स्वतन्त्रता र सूचनाको हकको सम्मान र संरक्षण गर्नु हरेक लोकतान्त्रिक सरकारको दायित्व रहेको जारी विज्ञप्तिमा उल्लेख छ । 

लोकतन्त्रको आधारस्तम्भका रूपमा रहेको अभिव्यक्ति स्वतन्त्रता र यसको पक्षमा कलम चलाउने पत्रकारले विगतदेखि हत्या, बेपत्ता, आक्रमण, धम्कीलगायतबाट पीडित हुँदै आएको उल्लेख गर्दै विज्ञप्तिमा भनिएको छ, “यस्ता घटनामा संलग्न दोषीलाई कानूनी दायरामा ल्याउन आयोगले नसकेको हो । ” 

आयोगले सशस्त्र द्वन्द्वको समयमा पत्रकारमाथि भएका हत्या, बेपत्ता, गैरकानूनी थुनालगायतका घटना सम्बन्धमा कारबाहीका लागि सरकारलाई सिफारिश गरेको उल्लेख गर्दै प्रवक्त अन्सारीले घटना अदालती प्रक्रियामा मात्र पुगेको बताउनुभयो । 

विगत दुई दशकको तथ्यांकलाई हेर्ने हो भने दुई दर्जन बढी पत्रकारको हत्या भएको आयोगले जनाएको छ । 

यसैक्रममा आयोगले ३३ किलो सुन प्रकरणमा पक्राउ परेका प्रहरी वरिष्ठ उपरीक्षक दिवेश लोहनीले आरोपीको तस्वीर लिने ध्रुव भट्टराई र सुमन सुस्केरामाथि लात्ती प्रहार गरेको घटनाप्रति ध्यानाकर्षण भएको जनाएको छ । 

 

 

रासस

प्रतिकृया दिनुहोस
SITENAME

राष्ट्रिय परिचयपत्र यथाशीघ्र जारी गर्न प्रधानमन्त्रीको निर्देशन

काठमाडौँ, २८ असार  :  प्रधानमन्त्री केपी शर्मा ओलीले सबै नेपालीको एकीकृत र पूरा विवरण भएको राष्ट्रिय परिचयपत्र यथाशीघ्र जारी गर्न सम्बन्धित

SITENAME

न्यून अंक ल्याउनेले पनि पढ्न पाउने भएपछि गुणस्तर खस्कँदो

काठमाडौँ, ९ असार : अक्षराकंन प्रणालीमा परीक्षाफल आउन थालेसँगै न्यून स्तरीकृत अंक ९जिपिए० ल्याउने विद्यार्थीले पनि माथिल्लो कक्षामा भर्ना पाउने

SITENAME

एसईईको परीक्षाफल सार्वजनिक, नतिजा कसरी थाहा पाउने ?

भक्तपुर, ९ असार :  परीक्षा नियन्त्रण कार्यालय सानोठिमीले आज संवत् २०७४ सालको माध्यमिक शिक्षा परीक्षा एसईई  अर्थात कक्षा १० को परीक्षाफल