संघीयता सफल पार्न कर्मचारी र पत्रकारको अहम् भूमिका

SITENAME

पोखरा, ७ फागुन ः प्रदेश नं ४ का सभामुख नेत्रनाथ अधिकारीले संघीयताको सफल कार्यान्वयनमा राष्ट्रसेवक कर्मचारी र संचारकर्मीको अहम् भूमिका रहने बताउनुभएको छ । 

संघीय संसद् सचिवालयको आयोजना तथा संसद् सहयोग परियोजना (युएनडिपी) को सहकार्यमा आयोजित प्रदेशसभाका कर्मचारी तथा संचारकर्मीका लागि सभा सञ्चालनसम्बन्धी अभिमुखीकरण कार्यक्रमको आज पोखरामा उद्घाटन गर्दै उहाँले संघीयता नवीनतम् भएको हुँदा कार्यान्वयन चुनौतिपूर्ण रहेको बताउनुभयो । 

सभामुख अधिकारीले सरकारले गरेका राम्रा कामलाई उजागर गरी जनता सामु पु¥याउन पत्रकारलाई आग्रह गर्दै संघीयताको सफल कार्यान्वयन गरी प्रदेश नं ४ लाई नमूना र समृद्ध प्रदेशका रुपमा विकास गर्न सकिन्छ भन्नुभयो । 

“अबको आन्दोलन समृद्धिको लागि गरिनु पर्दछ,” उहाँले भन्नुभयो । 

नेपाल पत्रकार महासंघ कास्कीका अध्यक्ष दीपेन्द्र श्रेष्ठले संसदीय रिपोर्टिङ यस क्षेत्रका पत्रकारका लागि नयाँ अभ्यास भएको बताउँदै मर्यादित पत्रकारिताका लागि अभिमुखीकरण आवश्यक रहेको धारणा व्यक्त गर्नुभयो । 

प्रदेशसभा सचिवालयका सचिव जीवराज बुढाथोकीले विविध व्यवस्थापन र संसदीय प्रक्रियामा संचार जगतको भूमिका, सांसद सुविधा व्यवस्था र प्रदेशसभा सचिवालय र संसदीय प्रक्रियाबारे आधारभूत जानकारी, प्रदेशसभा सचिवालयका उपसचिव गोपाल सिग्देलले प्रश्न व्यवस्थापन, युएनडिपीका संसदीय बाह्रय पहुँच टीम लिडर दिलादत्त पन्तले कर्मचारी र मिडिया, प्रदेशसभा सचिवालयका कम्प्युटर अधिकृत अनन्त कोइरालाले संसदीय समिति विषयमा सहजीकरण गर्नुभएको थियो । 

एकदिने उक्त अभिमुखीकरण कार्यक्रममा प्रदेशसभा सचिवालयका कर्मचारी र संसदीय रिपोर्टिङमा चासो राख्ने पत्रकार गरी कूल ५० जनाको सहभागिता रहेको छ । 

 

रासस

प्रतिकृया दिनुहोस
SITENAME

देवानगंज स्वास्थ्य चौकीलाई एम्वुलेन्स हस्तान्तरण

विराटनगर ,८ भदौ :सुनसरीको दक्षिणवर्ती देवानगंज गाउँपालिकाले एक कार्यक्रम वीच देवानगंज स्वास्थ्य चौकीलाई एम्वुलेन्स हस्तान्तरण गरेको हो ।

SITENAME

इन्टरनेटमा बढेको शुल्क घट्यो, उपभोक्ताले थप तिर्नु नपर्ने

काठमाडौँ, १० साउन : सूचना तथा सञ्चार प्रविधिमन्त्री गोकुलप्रसाद बाँस्कोटाले प्रतिनिधिसभामा व्यक्त गर्नुभएको प्रतिबद्धताबमोजिम इन्टरनेटमा

SITENAME

कारागारकी युवतीबाट शिशुको जन्म

भद्रपुर, १० साउन रासस : जिल्ला कारागार झापामा थुनामा रहेकी एक बीस वर्षीया युवतीले शिशु जन्माएकी छन् ।  कारागार प्रमुख यज्ञराज निरौलाका अनुसार